Самарқанд ва Қашқадарёни боғловчи Тахтақорача довони музламалар сабабли 27 декабрь, якшанба куни вақтинча ёпилганди. ЙҲХББ матбуот хизматининг хабар беришича, айни пайтда довонда автотранспорт воситалари ҳаракати тикланди.
Хабарда айтилишича, йўлларни қордан тозалаш ишлари олиб борилиб, музламаларни эритиш учун қум-туз аралашмалари сепилиб зарурий чоралар кўрилди. Айни вақтда довон йўлида автотранспорт воситалари ҳаракатига рухсат берилиб, қатнов давом этмоқда.
ЙҲХББ ҳайдовчилардан эҳтиёткор бўлишни, об-ҳаво ва йўл шароитини инобатга олиб транспорт воситасини бошқаришни сўраган.
Изоҳ (0)