Davlat xizmatlari agentligi O‘zbekistonda yangi haydovchilik guvohnomasini olish muddati 2021-yil 31-dekabrgacha uzaytirilganini va bunda qayta imtihon topshirish shart emasligini eslatib o‘tdi.
Ma’lum qilinishicha, aholiga qulay bo‘lishi uchun eski haydovchilik guvohnomasini yangi namunadagisiga almashtirish 2021-yil 31-dekabrga qadar davom etadi.
Yangi namunadagi haydovchilik guvohnomasini olish uchun qayta imtihon topshirish shartmas.
Buning uchun quyidagi hujjatlar kerak bo‘ladi:
- pasport;
- eski haydovchilik guvohnomasi va talon.
Bloger va huquqshunos Xushnudbek Xudoyberdiyevning yozishicha, yangi namunadagi haydovchilik guvohnomasini olish eksterritorial prinsipda amalga oshiriladi. Ya’ni doimiy ro‘yxati (propiska) qaysi hududda bo‘lishidan qat’i nazar, yuqoridagi suratda nomlari keltirilgan istalgan Davlat xizmatlari markazi orqali haydovchilik guvohnomasini almashtirish mumkin. Misol uchun, propiskasi viloyatlarda bo‘lganlar Toshkentda ham bemalol yangisiga almashtira oladi.
Eslatib o‘tamiz, Vazrilar Mahkamasining 2017-yil 2-martdagi 116-sonli qaroriga muvofiq amaldagi milliy haydovchilik guvohnomalarini yangi namunadagi milliy haydovchilik guvohnomalariga almashtirish tartibi belgilab berilgan. Yangi namunadagi haydovchilik guvohnomasiga shaxsni tasdiqlovchi hujjat maqomi berilgan. Masalan, banklarda yangi haydovchilik guvohnomasi bilan bemalol xizmat ko‘rsatiladi.
Izoh (0)