Display Supply Chain Consultants va Display Search tadqiqot kompaniyalarining asoschisi Ross Yang Xiaomi’dan yangi formatdagi smartfonlarni kutayotgan ishqibozlar uchun qiziq ma’lumotlarni e’lon qildi, deb xabar beradi IXBT.
Ma’lumotlarga ko‘ra, Xiaomi egiluvchan ekranga ega smartfon ishlab chiqaradigan navbatdagi kompaniyaga aylanadi. Aniqroq aytiladigan bo‘lsa, Xiaomi’ning keyingi yil uchun ulkan rejalari mavjud, chunki Xitoy ishlab chiqaruvchisi bir yoki ikkita emas, naqd uchta modelni taqdim etishga tayyorgalik ko‘rmoqda.
Manbaning qo‘shimcha qilishicha, birinchi smartfonning ekrani yig‘ilgan holatda smartfon korpusi atrofi bo‘ylab egiladi. Asosiy displey 90 va 120 gertsli yangilanish chastotasini qo‘llab-quvvatlashi mumkin, u ultrayupqa Samsung UTG himoya oynasi bilan qoplanadi. Cetus kodli nomi ostidagi egiluvchan ekranga ega Xiaomi smartfoniga 108 megapikselli kamera o‘rnatiladi va u Android 11 operatsion tizimida ishlaydi.
Ikkinchi smartfonning displeyi ichkariga buklanadi va korpus bilan turli shikastlardan himoyalanadi. Uchinchi smartfon esa zamonaviy Samsung Galaxy Z Flip va Moto Razr 2019 modellari kabi bo‘ladi.
Mavzuga doir: Samsung “garmoshka-smartfon”ni namoyish etdi
Izoh (0)