Xiaomi Twitter’dagi hazilkashga yangi Mi 10T Pro sovg‘a qilib, “uylantirib” qo‘ydi

Twitter foydalanuvchilaridan biri qisqagina tviti sabab yangi Mi 10T Pro smartfoniga ega bo‘ldi, deb xabar beradi “Hi-Tech.Mail.ru”.

Barchasi @kamalahamad65 akkaunti foydalanuvchisi Twitter’dagi hazil post qoldirganidan so‘ng boshlangan. U o‘z tvitida Mi 10T Pro smartfonini sotib olmagunicha uylanmasligini yozgan. Xiaomi yangi lineyka qurilmalarini sentabr oyida taqdim etgandi. Mazkur smartfonning o‘zidan oldingi modellardan farqi 144 gertsli yangilanuvchi chastotaga ega displey o‘rnatilganida. Bu kabi ekranlarni odatda geymerlar yuqori baholaydi.

https://twitter.com/manukumarjain/status/1340982391767089152

Xiaomi India vitse-prezidenti va boshqaruvchi direktori Kumar Jayn ushbu postga bir haftadan so‘ng e’tibor qaratib, foydalanuvchiga smartfonni sovg‘a qilishini bildirgan. U qurilmaning texnik tavsifi haqida ma’lumotlarni ham bo‘lishib, endi rostdan ham to‘y bo‘lishi kerakligini ta’kidlagan.

Mi 10T Pro’ga 108 megapikselli asosiy, 13 megapikselli keng burchakli, 5 megapikselli makro kameralar o‘rnatilgan. Shuningdek, smartfon o‘zining optik barqarorlashtirgichi bilan ham maqtana oladi. Portsessori — Snapdragon 865. microSD uchun slot va naushniklar uchun 3,5 millimetrli razyom yo‘q. Akkumulyator sig‘imi 5000 mA/soat bo‘lib, 33 vattli tezkor quvvatlanish funksiyasiga ega.

Finally received this monster. 🤩
The Mi 10T Pro display is indeed impressive. Most gorgeous phone. The amazing #108MP flagship #Mi10TPro.
So many features. Under 40K, #Mi10T Pro is pretty good value for a phone. 👌
🥰 Thank you so much @manukumarjain @XiaomiIndia 🙏🙏

I ❤️ Mi pic.twitter.com/RkiyE6RiDx

— ᴋᴀᴍᴀʟ ᴀʜᴀᴍᴀᴅ (@kamalahamad65) December 21, 2020

Keyinroq baxtli foydalanuvchi “va nihoyat maxluqqa ega bo‘lganini” yozib qoldirib, kompaniyaga sovg‘a uchun minnatdorchilik bildirgan.