Display Supply Chain Consultants ва Display Search тадқиқот компанияларининг асосчиси Росс Янг Xiaomi’дан янги форматдаги смартфонларни кутаётган ишқибозлар учун қизиқ маълумотларни эълон қилди, деб хабар беради IXBT.
Маълумотларга кўра, Xiaomi эгилувчан экранга эга смартфон ишлаб чиқарадиган навбатдаги компанияга айланади. Аниқроқ айтиладиган бўлса, Xiaomi’нинг кейинги йил учун улкан режалари мавжуд, чунки Хитой ишлаб чиқарувчиси бир ёки иккита эмас, нақд учта моделни тақдим этишга тайёргалик кўрмоқда.
Манбанинг қўшимча қилишича, биринчи смартфоннинг экрани йиғилган ҳолатда смартфон корпуси атрофи бўйлаб эгилади. Асосий дисплей 90 ва 120 герцли янгиланиш частотасини қўллаб-қувватлаши мумкин, у ультраюпқа Samsung UTG ҳимоя ойнаси билан қопланади. Cetus кодли номи остидаги эгилувчан экранга эга Xiaomi смартфонига 108 мегапикселли камера ўрнатилади ва у Android 11 операцион тизимида ишлайди.
Иккинчи смартфоннинг дисплейи ичкарига букланади ва корпус билан турли шикастлардан ҳимояланади. Учинчи смартфон эса замонавий Samsung Galaxy Z Flip ва Moto Razr 2019 моделлари каби бўлади.
Мавзуга доир: Samsung «гармошка-смартфон»ни намойиш этди
Изоҳ (0)