O‘zbekiston futbol assotsiatsiyasi (O‘FA) va Professional futbol ligasi (PFL) 26-dekabr kuni 2020-yilning eng yaxshilarini taqdirlash marosimini o‘tkazdi.
Unda Superliga 2020-yilgi mavsumi ramziy terma jamoasi aniqlandi. Ramziy terma jamoadan to‘rt nafar “Paxtakor” vakili o‘rin olgan bo‘lsa, “Nasaf”ning uch futbolchisi top-11 likka kirdi.
Superliga—2020 ramziy terma jamoasi:
Darvozabon: Abduvohid Ne’matov (“Nasaf”);
Himoyachilar: Murod Xolmuhammedov (“Qo‘qon-1912”), Yegor Krimets, Farruh Sayfiyev (ikkisi — “Paxtakor”);
Yarim himoyachilar: Marko Stanoyevich (“Nasaf”), Nurillo To‘xtasinov (“Bunyodkor”), Murod Toshmatov (OKMK), Dragan Cheran (“Paxtakor”);
Hujumchilar: Aziz Turg‘unboyev (“Navbahor”), Jaloliddin Masharipov (“Paxtakor”), Bobur Abduxoliqov (“Nasaf”).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)