Rossiyada 26-dekabr soat 11:00 holatiga ko‘ra koronavirus bilan kasallanganlar soni 3 021 964 kishini tashkil etmoqda. Bu haqda mamlakatda virus tarqalishiga qarshi kurashish tezkor shtabiga tayanib, Meduza xabar berdi.
O‘tgan bir sutka ichida Rossiyada yana 29 258 kishida COVID-19 tasdiqlangan. Kasallanish holatlari asosan Moskva (+7480 kishi), Sankt-Peterburg (+3755) va Moskva viloyatida (+1615 kishi) qayd etilgan. Tezkor shtab ma’lumotlariga ko‘ra, Rossiya virus tarqalishni boshlaganidan buyon 54 266 kishi vafot etgan (o‘tgan bir sutkada — 567 kishi). Hozirga qadar bemorlarning 2 426 439 nafari kasallikdan sog‘aygan. “Rospotrebnadzor” ma’lumotlariga ko‘ra, Rossiyada pandemiya boshlanganidan beri koronavirusga 88,6 million laboratoriya tadqiqotlari, so‘nggi bir kunning o‘zida 511 mingta test o‘tkazilgan.
Eslatib o‘tamiz, dekabr oyidan Rossiyaning barcha hududlarida koronavirusga qarshi emlash boshlandi. “Rospotrebnadzor” rahbari Anna Popova Rossiyada COVID-19 pandemiyasi bahorda tugashini taxmin qilgan.
Izoh (0)