O‘zbekistonda 2020-yilning 11 oyi davomida 18 million 872 ming dollar qiymatidagi 68 397 tonnadan ortiq shisha va shisha mahsulotlari eksport qildi, deb xabar bermoqda Davlat bojxona qo‘mitasi matbuot xizmati.
Qayd etilishicha, bu 2019-yilning aynan shu davriga nisbatan 48 198 tonnaga ko‘p bo‘lib, 239 foiz o‘sishga erishildi. Eksport qilingan shisha va shisha mahsulotlari natijasida respublikaga valyuta tushumi o‘tgan yilning mos davriga nisbatan 11 million dollarga ko‘payib, 140 foizga o‘sgan.
Shisha va shisha mahsulotlarining 58 foizi Qozog‘istonga, 15 foizi Tojikistonga va 13 foizi Turkmanistonga eksport qilingan.
Shuningdek, joriy yilda shisha va shisha mahsulotlarining eksporti qiymati Rossiyaga 12 barobarga, Armanistonga 9,8 barobarga, Gruziyaga 7,1 barobarga va Ozarbayjonga 2,3 barobarga ortgan.
2020-yildan ilk bor Irlandiya va AQShga shisha va shisha mahsulotlari eksporti yo‘lga qo‘yildi.
Izoh (0)