Россияда 26 декабрь соат 11:00 ҳолатига кўра коронавирус билан касалланганлар сони 3 021 964 кишини ташкил этмоқда. Бу ҳақда мамлакатда вирус тарқалишига қарши курашиш тезкор штабига таяниб, Meduza хабар берди.
Ўтган бир сутка ичида Россияда яна 29 258 кишида COVID-19 тасдиқланган. Касалланиш ҳолатлари асосан Москва (+7480 киши), Санкт-Петербург (+3755) ва Москва вилоятида (+1615 киши) қайд этилган. Тезкор штаб маълумотларига кўра, Россия вирус тарқалишни бошлаганидан буён 54 266 киши вафот этган (ўтган бир суткада — 567 киши). Ҳозирга қадар беморларнинг 2 426 439 нафари касалликдан соғайган. «Роспотребнадзор» маълумотларига кўра, Россияда пандемия бошланганидан бери коронавирусга 88,6 миллион лаборатория тадқиқотлари, сўнгги бир куннинг ўзида 511 мингта тест ўтказилган.
Эслатиб ўтамиз, декабрь ойидан Россиянинг барча ҳудудларида коронавирусга қарши эмлаш бошланди. «Роспотребнадзор» раҳбари Анна Попова Россияда COVID-19 пандемияси баҳорда тугашини тахмин қилган.
Изоҳ (0)