“Atletiko” klubi va Angliya terma jamoasi himoyachisi Kiran Trippyer totalizator bilan bog‘liq qoidabuzarlikda ayblandi.
2020-yilning may oyida Angliya futbol assotsiatsiyasi (FA) futbolchiga nisbatan ish ochgandi.
Unda ayblov sababi futbolchining 2019-yil yozida “Tottenhem”dan 21,7 million funt evaziga “Atletiko”ga yo‘l olishi bilan bog‘liqligi. Angliya terma jamoasi a’zosi transferning amalga oshishiga pul tikkan bo‘lishi mumkinligi taxmin qilingandi.
Tashkilot qaroriga ko‘ra, futbolchi o‘n haftaga diskvalifikatsiya qilingan va 70 ming funt sterling miqdorida jarimaga tortilgan. Qaror darhol kuchga kiradi va barcha musobaqalar uchun taalluqli bo‘ladi.
Shu tariqa Trippyer “Atletiko”ning 12 ta uchrashuvini o‘tkazib yuboradi. Ular orasida Chempionlar Ligasi 1/8 finalining dastlabki bahsi doirasida “Chelsi”ga qarshi kechadigan 23-fevral kungi o‘yin ham bor. Kiran 7-mart bo‘lib o‘tadigan “Real”ga qarshi o‘tadigan Madrid derbisida qatnasha oladi.
Trippyer La Liga 2020/21-yilgi mavsumida 13 o‘yin o‘tkazib, to‘rtta golli uzatma amalga oshirdi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)