“Atletiko” La Liga 15-turi doirasida 22-dekabr, seshanba kuni “Real Sosyedad”ga qarshi kechgan bahsda g‘alaba qozondi (2:0).
Bu bosh murabbiy Diyego Simeone uchun madridliklar boshqaruvidagi 499-o‘yinda qo‘lga kiritilgan 300-g‘alaba bo‘ldi. Undan avval bu natijaga “Atletiko”da faqat Luis Aragones erishgandi. Biroq Aragones 300 g‘alabali dovon uchun 587 ta o‘yin sarflagandi.
Simeone 2011-yildan buyon “Atletiko”ni boshqarib keladi. Jamoa 50 yoshlik mutaxassis bilan amaldagi shartnomani uzaytirmoqchi.
“Atletiko” 13 o‘yinda 32 ochko to‘plagan holda musobaqa jadvalida yakka peshqadam bo‘lib turibdi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)