Moskvda Gorbachev davriga tegishli “ZIL-41047” limuzini sotuvga qo‘yildi. Sotuvchi olti metrli sedanni 11,5 million rublga baholagan. Bu pulga yangi Maybach X222 xarid qilish mumkin, deb xabar beradi Motor.
Sotuvga qo‘yilgan “ZIL-41047” 1987-yilda ishlab chiqarilgan va 33 yil davomida hukumat limuzini 46 ming kilometrgina yo‘l bosgan. Sotuvchi Sobiq Ittifoq davriga tegishli avtomobil o‘zi mustaqil harakatlana olishi, avariyaga uchramagani va restavratsiya qilinmagani, shuningdek, mashinaning barcha hujjatlari joyida ekanligiga e’tibor qaratgan.
“ZIL-41047” limuzini 1986-yildan boshlab ishlab chiqarilganiga qaramay, uning 16 yillik tiraji u qadar katta emas: Moskva zavodidagi konveyerdan jami 154 ta mashina chiqqan. Ularning barchasiga 315 ot kuchiga ega 7,7 litrli V8 benzin dvigateli o‘rnatilgan bo‘lib, ular 3 pog‘onali avtomat uzatmalar qutisi yordamida boshqariladi.
Limuzin egasi avtomobil tarixiga oid batafsil ma’lumotlar bilan bo‘lishmagan. Aftidan, u mijozlarning savoliga avtomobilni namoyish etish vaqtida javob beradi.
Avvalroq AQShning 33-prezidentiga tegishli bo‘lgan Lincoln limuzini auksionga qo‘yilgani to‘g‘risida xabar berilgandi.
Izoh (0)