Qozog‘istonning Kostanay viloyatidagi “SariarkaAvtoProm” zavodi 2020-yilda O‘zbekistonga 3847 ta Hyundai va JAC avtomobillarini yuborgan, deb xabar beradi “Forbes.kz”.
“Qozog‘istonda lokalizatsiya qilingan avtomobillar barqaror talabga ega, O‘zbekistonda Hyundai savdo tarmog‘iga bo‘lgan talab jadal sur’atlar bilan o‘smoqda”, — deydi Qozog‘iston avtobiznes assotsiatsiyasi vitse-prezidenti Anar Makashev.
Hyundai O‘zbekistonda
Qozog‘iston bozorida 11 ta avtomobil brendini taqdim etuvchi Astana Motors 2019-yilda O‘zbekistonga 244 ta Hyundai avtomobilini sotgan. Kompaniya rahbari Nurlan Smagulovning tan olishicha, yetkazib berish hajmi yuqori emas, biroq bozor juda istiqbolli.“O‘zbekiston hukumati bozorni ochish kerakligini, sog‘lom raqobat zarurligini, iste’molchilar boshqa ishlab chiqaruvchilarni ham ko‘rishni xohlashini tushunib turibdi”, — deydi biznesmen.
Mavzuga doir: Olmaotada Hyundai zavodi ishga tushirildi. Zavodda ishlab chiqarilgan mashinalar O‘zbekistonga ham yetkazib beriladi
JAC O‘zbekistonda
Yil boshida Qozog‘iston O‘zbekistonga 11,8 million dollarlik 766 ta JAC avtomobilini yetkazib berish bo‘yicha bitim imzolagan edi.Qozog‘istonning “SariarkaAvtoProm” kompaniyasi Xitoy krossoverlarini ishlab chiqarish bo‘yicha ruxsatni 2015-yilda qo‘lga kiritgan. Ushbu mashinalar narxi qo‘shni davlatda 13,5 ming dollardan boshlanadi.
Avvalroq KIA, Volkswagen, Skoda va GAZ avtomobillari O‘zbekistonda ishlab chiqarilishi haqida xabar berilgandi.
Izoh (0)