Futbol bo‘yicha Ispaniya La Liganing muddatidan avval o‘tkazilgan 19-turida “Barselona” 16-dekabr, chorshanba kuni “Real Sosyedad”ga qarshi bahs olib bordi.
Dastlab mehmonlar 27-daqiqada Villian Jozening goli evaziga oldinga o‘tib oldi. Oradan ko‘p o‘tmay katalonlar bunga Xordi Albaning kiritgan to‘pi bilan javob berdi. Birinchi bo‘lim yakunlanishi arafasida Frenki de Yong mezbonlarning ikkinchi goliga muallif bo‘ldi.
Ikkinchi bo‘lim “Barselona” futbolchilarining nazorati ostida kechdi va hisob o‘zgarmay qoldi.
Ushbu g‘alabadan keyin ochkolarini 20 taga yetkazib olgan “Barselona” 5-o‘ringa ko‘tarildi. “Sosyedad” (26) esa 2-pog‘onada qolmoqda.
La Liga
19-tur bahsi
16-dekabr, chorshanba
“Barselona” — “Real Sosyedad” 2:1
Gollar: 0:1 – 27 Villian Joze, 1:1 – 31 Alba, 2:1 – 43 de Yong.“Barselona”: ter Shtegen, Alba, Mingesa (Langle, 79), Dest, Arauxo, de Yong, Buskets (Alenya, 67), Pedri (Pyanich, 74), Breytueyt, Grizmann (Trinkau, 66), Messi.
“Real Sosyedad”: Remiro, Le Norman (Sanyan, 85), Gorosabel, Monreal, Subeldiya, Merino, Gevara (Navarro, 56), Yanuzay (Barrenechea, 56), Subimendi, Portu (Isak, 64), Villian Joze.
Ogohlantirishlar: Yanuzay (20), Buskets (41), Barrenechea (58), Le Norman (80), Trinkau (88), Alenya (90).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)