Футбол бўйича Испания Ла Лиганинг муддатидан аввал ўтказилган 19-турида «Барселона» 16 декабрь, чоршанба куни «Реал Сосьедад»га қарши баҳс олиб борди.
Дастлаб меҳмонлар 27-дақиқада Виллиан Жозенинг голи эвазига олдинга ўтиб олди. Орадан кўп ўтмай каталонлар бунга Хорди Альбанинг киритган тўпи билан жавоб берди. Биринчи бўлим якунланиши арафасида Френки де Йонг мезбонларнинг иккинчи голига муаллиф бўлди.
Иккинчи бўлим «Барселона» футболчиларининг назорати остида кечди ва ҳисоб ўзгармай қолди.
Ушбу ғалабадан кейин очколарини 20 тага етказиб олган «Барселона» 5-ўринга кўтарилди. «Сосьедад» (26) эса 2-поғонада қолмоқда.
Ла Лига
19-тур баҳси
16 декабрь, чоршанба
«Барселона» — «Реал Сосьедад» 2:1
Голлар: 0:1 – 27 Виллиан Жозе, 1:1 – 31 Альба, 2:1 – 43 де Йонг.«Барселона»: тер Штеген, Альба, Мингеса (Лангле, 79), Дест, Араухо, де Йонг, Бускетс (Аленья, 67), Педри (Пьянич, 74), Брэйтуэйт, Гризманн (Тринкау, 66), Месси.
«Реал Сосьедад»: Ремиро, Ле Норман (Санян, 85), Горосабел, Монреаль, Субелдия, Мерино, Гевара (Наварро, 56), Янузай (Барренечеа, 56), Субименди, Порту (Исак, 64), Виллиан Жозе.
Огоҳлантиришлар: Янузай (20), Бускетс (41), Барренечеа (58), Ле Норман (80), Тринкау (88), Аленья (90).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)