Amerikalik yakkakurashchi Toni Fergyuson UFC 256 musobaqasida bo‘lib o‘tadigan Charlz Oliveyraga qarshi jangdan voz kechishi mumkinligi haqida ogohlantirdi.
“Garov o‘ynayman, braziliyaliklar, shu jumladan, Charlz Oliveyra ham odatdagidek ortiqcha vazn bilan keladi. Ishonchim komil, Oliveyra hafta mobaynida vazn tashlash uchun harakat qilmaydi va 3-4 funt (1,4-1,8 kg) ortiqcha vazn namoyish qiladi. Buni u jang haqida kech xabar topgani bilan izohlaydi.
Agar u ortiqcha vazn ko‘rsatsa, biz jang qilmaymiz. Shu sabab, yigitlar, agar jang bo‘lishi xohlasangiz Oliveyraning sahifasiga o‘ting va uni vazn tashlashga chorlang”, — deya yozadi Toni o‘z Instagram’ida.
Eslatib o‘tamiz, Fergyuson va Oliveyra o‘rtasidagi jang Toshkent vaqti bilan 13-dekabr tongida bo‘lib o‘tadi.
Mavzuga doir:
- Habib Nurmagomedov Toni Fergyuson haqida: “Hindularning muammosi sherifni xavotirga solmaydi”
- Toni Fergyuson: “Habib uch marta men bilan jang qilishdan bosh tortdi”
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)