UFC’ning yengil vazn toifasida harakat qiluvchi Jastin Getji ushbu divizion chempioni Habib Nurmagomedov haqidagi fikrlari bilan o‘rtoqlashdi.
“Menimcha, Habibga katta jang, masalan, Sen-Pyerga qarshi bahs orqali muxlislar bilan xayrlashish imkoniyati taqdim etiladi. Ungacha Habib nafaqada bo‘ladi. U endi chempionlik kamari uchun jang qilmaydi”, — deydi Getji.
Eslatib o‘tamiz, 24-oktabr kuni Abu-Dabidagi (BAA) “Jangchilar oroli”da bo‘lib o‘tgan UFC 254 asosiy jangida Habib Nurmagomedov va Jastin Getji o‘zaro to‘qnash keldi. Unda rossiyalik sportchi ikkinchi raundda raqibiga bo‘g‘ish usulini qo‘llab g‘alaba qozondi. Jangdan keyin Habib faoliyatini yakunlashini ma’lum qilgandi.
Habib va Getji ishtirokidagi janglarni bu yerda tomosha qilish mumkin — havola
Qayd etish joiz, Habibning o‘zi bir necha bor faoliyatini tiklash niyatida emasligini ma’lum qildi. Avvalroq u GFC promoushenini sotib oldi. Shuningdek, Rossiyada o‘z mobil aloqa operatorini ishga tushirish arafasida.
Mavzuga doir:
- Habib Nurmagomedov qaysi holatda UFC’ga qaytadi? Uning o‘zi javob berdi
- Habib Nurmagomedov: “Jastin Getjiga yutqazganimda ham faoliyatimni yakunlash qarorini o‘zgartirmasdim”
- Bolalik, UFC, yashash tarzi, mashinalar va shaxsiy hayot. Habib Nurmagomedovning hayot yo‘li haqida
- Rossiyalik MMA afsonasi Habib va Getji o‘rtasidagi jangni kelishilgan deb atadi
Izoh (0)