Qatar terma jamoasi Yevropa mintaqasidagi JCh—2022 saralash bosqichida ishtirok etadi. Bu haqda Qatar futbol assotsiatsiyasi ma’lum qildi.
Qatar musobaqada norasmiy ravishda qatnashadi. Jamoa A guruhidan o‘rin oladi va Portugaliya, Serbiya, Irlandiya, Lyuksemburg, Ozarbayjon kabi jamoalarga qarshi bahs olib boradi.
Qayd etish joiz, Yevropa mintaqasidagi qur’aga ko‘ra, o‘nta guruhning yarmi beshta ishtirokchidan iborat bo‘ldi, qolgan yarmida esa oltitadan qatnashchi ishtirok etadigan bo‘ldi. Millatlar Ligasi yarim finaliga yo‘llanma olgan jamoalar to‘g‘ridan to‘g‘ri beshta jamoali guruhlardan o‘rin oldi. A guruhi esa Millatlar Ligasi yarim finalchisi ishtirok etmaydigan yagona beshta qatnashchili guruh bo‘lib qoldi.
Shu tariqa Qatar A guruhida oltinchi qatnashchi sifatida ishtirok etadi. Ushbu o‘yinlar mart, sentabr, oktabr va noyabr oyidagi FIFA kunlarida o‘tkaziladi.
Qayd etish kerak, Qatar 2021-yilning iyun oyida Kopa Amerika musobaqasida ishtirok etadi. Iyulda esa KONKAKAF Oltin Kubogida qatnashadi.
Eslatib o‘tamiz, Qatar Osiyo Kubogi—2023 va JCh—2022 saralash bosqichi doirasida 2020-yilning dekabrida Bangladeshga qarshi o‘ynadi. Ularning Hindistonga qarshi bahsi esa yanvarda bo‘lib o‘tadi. Aslida mazkur o‘yinlar mart oyida bo‘lib o‘tishi kerak edi.
Ma’lumot uchun, Qatar JCh—2022 mezboni hisoblanadi. Jamoa Osiyo mintaqasidagi JCh—2022 sarlashining uchinchi bosqichida ishtirok etmaydi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)