Butun dunyoda koronavirus infeksiyasiga chalinganlar soni 67 milliondan oshdi, deb yozadi “RBK” koronavirus bilan kasallanishni real vaqt rejimida kuzatib boruvchi Jons Hopkins universiteti (Amerika) ma’lumotlariga tayanib.
Toshkent vaqti bilan 7-dekabr soat 08:00 holatiga ko‘ra, 67 009 962 ta kasallanish, 1,535 millionta o‘lim va 43,07 millionta sog‘ayish holati qayd etildi. Kasallanganlar soni bo‘yicha yetakchi AQSh bo‘lib qolmoqda — u yerda 14,75 kishi virusni yuqtirib olgan. Ikkinchi o‘rinda 9,64 million bemor bilan Hindiston, uchinchi o‘rinda Braziliya — 6,6 million. Rossiya 2,43 million kishi bilan to‘rtinchi o‘rinda, yuqori beshlikni Fransiya yakunlamoqda (2,34 million).
Worldometer servisiga ko‘ra, butun sayyora bo‘yicha 67,3 milliondan ortiq kasallanish holati, 1,54 millionta o‘lim va 46,5 milliondan ortiq sog‘ayganlar aniqlangan. Jahon sog‘liqni saqlash tashkiloti 6-dekabr soat 18:48 holati bo‘yicha 65,87 millionta koronavirus bilan kasallanish holati va 1,52 ta o‘lim haqida xabar bermoqda.
So‘nggi sakkiz kun ichida COVID-19’ga chalinganlar soni dunyo bo‘yicha 5 million kishiga ko‘paydi — 29-noyabr kuni bu ko‘rsatkich 62 milliondan oshgan edi.
Ma’lumot uchun, dunyoda koronavirusga chalinganlar soni 29-noyabr kuni 62 million, 4-dekabr kuni 65 million, 5-dekabr kuni 66 million kishidan oshgandi.
Izoh (0)