Бутун дунёда коронавирус инфекциясига чалинганлар сони 67 миллиондан ошди, деб ёзади «РБК» коронавирус билан касалланишни реал вақт режимида кузатиб борувчи Жонс Ҳопкинс университети (Америка) маълумотларига таяниб.
Тошкент вақти билан 7 декабрь соат 08:00 ҳолатига кўра, 67 009 962 та касалланиш, 1,535 миллионта ўлим ва 43,07 миллионта соғайиш ҳолати қайд этилди. Касалланганлар сони бўйича етакчи АҚШ бўлиб қолмоқда — у ерда 14,75 киши вирусни юқтириб олган. Иккинчи ўринда 9,64 миллион бемор билан Ҳиндистон, учинчи ўринда Бразилия — 6,6 миллион. Россия 2,43 миллион киши билан тўртинчи ўринда, юқори бешликни Франция якунламоқда (2,34 миллион).
Worldometer сервисига кўра, бутун сайёра бўйича 67,3 миллиондан ортиқ касалланиш ҳолати, 1,54 миллионта ўлим ва 46,5 миллиондан ортиқ соғайганлар аниқланган. Жаҳон соғлиқни сақлаш ташкилоти 6 декабрь соат 18:48 ҳолати бўйича 65,87 миллионта коронавирус билан касалланиш ҳолати ва 1,52 та ўлим ҳақида хабар бермоқда.
Сўнгги саккиз кун ичида COVID-19’га чалинганлар сони дунё бўйича 5 миллион кишига кўпайди — 29 ноябрь куни бу кўрсаткич 62 миллиондан ошган эди.
Маълумот учун, дунёда коронавирусга чалинганлар сони 29 ноябрь куни 62 миллион, 4 декабрь куни 65 миллион, 5 декабрь куни 66 миллион кишидан ошганди.
Изоҳ (0)