Dunyoda koronavirusga chalinganlar soni 65,02 million kishidan oshdi, deb yozadi “Kommersant” Jons Hopkins universiteti ma’lumotlariga tayanib. 4-dekabr kuni koronavirusdan o‘limlar soni 1,5 milliondan oshgan edi.

Foto: Anadolu Agency

Koronavirusni yuqtirib olganlar soni bo‘yicha yetakchilik qilayotgan mamlakatlar quyidagilar:

  • AQSh — 14,1 million;
  • Hindiston — 9,5 million;
  • Braziliya — 6,4 million;
  • Rossiya — 2,35 million;
  • Fransiya — 2,31 million.

Shuningdek, Buyuk Britaniya, Ispaniya, Italiya, Argentina, Kolumbiya, Meksika, Germaniya, Polsha va Eronda kasallanish holatlari soni 1 milliondan oshgan. Vafot etganlarning eng ko‘pi AQShda (276 ming), Braziliyada (175 ming), Hindistonda (139 ming), Meksikada (108 ming) va Buyuk Britaniyada qayd etilgan.

Avvalroq butun dunyoda koronavirus infeksiyasidan 1,5 milliondan ziyod kishi vafot etgani xabar berilgan edi.

Ma’lumot uchun, dunyoda koronavirusga chalinganlar soni 5-noyabr kuni 48 million, 9-noyabr kuni 50 million, 14-noyabr kuni 53 million, 26-noyabr kuni 60 million, 28-noyabr kuni 61 million, 29-noyabr kuni 62 million kishidan oshgandi.