Футбол бўйича Италия А Сериясининг 10-туридан ўрин олган бир қатор учрашувлар 6 декабрь, якшанба куни бўлиб ўтди.
«Милан» сафарда «Сампдория» билан баҳс юритди. Биринчи бўлим якунланиши арафасида Франк Кессиэ пенальтини аниқ амалга оширган ҳолда ҳисобни очди. 77-дақиқага келиб Саму Кастильехо меҳмонларнинг иккинчи голини урди. Бунга майдон эгалари 82-дақиқада жавоб қайтаришга муваффақ бўлди.
Мазкур ғалабадан кейин «Милан» очколарини 26 тага етказиб олди ва пешқадамликни мустаҳкамлади. Стефано Пиоли шогирдлари энг яқин таъқибчи — «Интер»ни беш очкога ортда қолдирмоқда.
«Наполи» ушбу турда «Кротоне» меҳмони бўлди. Лоренцо Инсинье, Ирвинг Лосано, Диего Демме ва Андреа Петаньянинг голлари неаполликларга йирик ҳисобдаги ғалабани тақдим этди.
«Рома» эса ўз уйида «Сассуоло» билан баҳсга киришди. 40-дақиқада Педронинг четлатилишидан кейин ўн киши бўлиб қолган римликлар нурсиз дуранг қайд этди.
А Серия
10-тур баҳслари
6 декабрь, якшанба
«Сампдория» — «Милан» 1:2
Голлар: 0:1 – 45, пенальти Кессиэ, 0:2 – 77 Кастильехо, 1:2 – 82 Экдал.«Сампдория»: Аудеро, Аужелло (Лерис, 82), Ferrari, Берешински (Колли, 20), Тонелли, Торсбю, Янкто (Дамсгор, 46), Адриен Сильва (Экдал, 46), Кандрева, Габбьядини (ла Гумина, 57), Куальярелла.
«Милан»: Доннарумма, Габбия, Тео, Калабрия, Романьоли, Салемакерс (Кастильехо, 76), Тонали, Браим Диас (Ҳеуге, 46), Чалхонўғлу (Крунич, 90), Ребич, Кессиэ.
Огоҳлантиришлар: Кессиэ (5), Адриен Сильва (26), Янкто (45).
«Кротоне» — «Наполи» 0:4
Голлар: 0:1 – 31 Инсине, 0:2 – 58 Лосано, 0:3 – 76 Демме, 0:4 – 90 Петанья.«Рома» — «Сассуоло» 0:0
Четлатиш: Педро (40) – «Рома».«Парма» — «Беневенто» 0:0
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)