O‘zbekiston terma jamoasi bosh murabbiyi Vadim Abramov “Spartak” yarim himoyachisi Oston O‘runovning “Rubin”ga o‘tishi mumkinligini haqidagi xabarlarga sharh berdi.
O‘runov “Rubin”ga o‘tishi mumkinligi haqida o‘qidim. O‘zbekiston terma jamoasi bosh murabbiyi sifatida menga uning o‘yin amaliyotiga ega bo‘lishi muhim, “Spartak”da o‘ynaydimi, yoki “Rubin”da, bu u qadar muhim emas. Albatta, u “qizil-oqlar” safida o‘ynab keta olsa, juda yaxshi ish bo‘lardi. Biroq u yerda uni murabbiy ko‘rmayotgan bo‘lsa, “Rubin”ga o‘tishi kerak.Eslatib o‘tamiz, O‘runovga Qozonning “Rubin” klubidan qiziqish bo‘lmoqda. Avvalroq moskvaliklar bosh direktori Shamil Gazizov “Rubin”dan O‘runov transferi borasida taklif tushganini ma’lum qilgandi.O‘runovning “Spartak”dagi kam o‘yin amaliyoti sabablari haqida gapirish qiyin. Agar unda jarohat bo‘lmaganida, hozirda baralla Oston maydon markazida harakat qiladigan futbolchilar orasidagi raqobatda yengilmoqda deyish mumkin edi. Afsuski u terma jamoa tasarrufiga ham jarohat bilan keldi.
Shubhasiz, agar O‘runov “Spartak”da qolsa, u o‘zini ko‘rsatish imkoniyatini qo‘lga kiritadi. Hozir qishki tanaffus bo‘ladi. Mavsumga tayyorgarlik jarayonlarida istalgan futbolchi o‘zini ko‘rsatishi mumkin. Bunaqasi istalgan jamoada ro‘y beradi.
Vadim Abramov, O‘zbekiston terma jamoasi bosh murabbiyi
O‘runov Rossiya chempionati 2020/21-yilgi mavsumida 7 ta o‘yinda maydonga tushdi, biroq ularning faqat bittasida asosiy tarkibdan o‘rin oldi. U shuningdek, Rossiya Kubogi doirasida bitta o‘yin o‘tkazib, “Spartak”dagi debyut golini urdi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)