Ўзбекистон терма жамоаси бош мураббийи Вадим Абрамов «Спартак» ярим ҳимоячиси Остон Ўруновнинг «Рубин»га ўтиши мумкинлигини ҳақидаги хабарларга шарҳ берди.
Ўрунов «Рубин»га ўтиши мумкинлиги ҳақида ўқидим. Ўзбекистон терма жамоаси бош мураббийи сифатида менга унинг ўйин амалиётига эга бўлиши муҳим, «Спартак»да ўйнайдими, ёки «Рубин»да, бу у қадар муҳим эмас. Албатта, у «қизил-оқлар» сафида ўйнаб кета олса, жуда яхши иш бўларди. Бироқ у ерда уни мураббий кўрмаётган бўлса, «Рубин»га ўтиши керак.Эслатиб ўтамиз, Ўруновга Қозоннинг «Рубин» клубидан қизиқиш бўлмоқда. Аввалроқ москваликлар бош директори Шамил Газизов «Рубин»дан Ўрунов трансфери борасида таклиф тушганини маълум қилганди.Ўруновнинг «Спартак»даги кам ўйин амалиёти сабаблари ҳақида гапириш қийин. Агар унда жароҳат бўлмаганида, ҳозирда баралла Остон майдон марказида ҳаракат қиладиган футболчилар орасидаги рақобатда енгилмоқда дейиш мумкин эди. Афсуски у терма жамоа тасарруфига ҳам жароҳат билан келди.
Шубҳасиз, агар Ўрунов «Спартак»да қолса, у ўзини кўрсатиш имкониятини қўлга киритади. Ҳозир қишки танаффус бўлади. Мавсумга тайёргарлик жараёнларида исталган футболчи ўзини кўрсатиши мумкин. Бунақаси исталган жамоада рўй беради.
Вадим Абрамов, Ўзбекистон терма жамоаси бош мураббийи
Ўрунов Россия чемпионати 2020/21 йилги мавсумида 7 та ўйинда майдонга тушди, бироқ уларнинг фақат биттасида асосий таркибдан ўрин олди. У шунингдек, Россия Кубоги доирасида битта ўйин ўтказиб, «Спартак»даги дебют голини урди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)