Qozonning “Rubin” klubi “Spartak” yarim himoyachisi Oston O‘runovga qiziqish bildirmoqda. Bu haqda “Biznes Online”ga tayanib, “Gazeta.ru” xabar qilmoqda.

Foto: Twitter/@fcsm_official

Ta’kidlanishicha, Tatariston klubi O‘runovni qishki transfer oynasida sotib olmoqchi va bu borada moskvaliklarga so‘rov yuborgan.

Bu ma’lumotni “Spartak” bosh direktori Shamil Gazizov ham tasdiqladi.

O‘runov yozgi transfer oynasida “Ufa”dan 1 million yevro evaziga poytaxt klubiga o‘tgandi. “Rubin” yozda ham o‘zbekistonlik futbolchiga qiziqish bildirgandi.

Joriy mavsum Oston “Spartak”ning RPL doirasidagi 7 ta o‘yinida maydonga tushib, birorta samarali harakat amalga oshira olmadi.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!