Londonda yashovchi uysiz insonlar Rojdestvo sovg‘asi sifatida ikki haftalik mehmonxona, kuniga uch mahal ovqat va taniqli shaxslarning virtual chiqishlariga taklif etiladi. Bu haqda The Sunday Times xabar beradi.
Bu yil xayriya tashkilotlari koronavirus tarqalishi xavfi tufayli uysizlarni yotoqxonalarga joylashtira olmaydi. Shuning uchun London Hotel Group to‘rtta mehmonxona xonalarini arzon narxlarda taqdim etishga rozi bo‘ldi.
Xayr-ehson qiluvchilar esa 50 yillik an’anani buzgan holda yashashga joyi bo‘lmagan odamlar uchun 517 ta xonani ijaraga oldi. Tashkilot rahbari Ien Richardsning so‘zlariga ko‘ra, xodimlar ilgari taqdim etilgan sharoitlardan yomonrog‘iga rozi bo‘lmagan.
Mehmonxonada esa ular kuniga uch mahal ovqat bilan ta’minlanib, o‘z xonalariga yetkazib beriladi. Bundan tashqari, ular tibbiy xizmatdan foydalanish imkoniyatiga ham ega bo‘ladi. Rojdestvo oqshomida esa ekranlarda Elli Golding, Imelda Stonton va Jonatan Prays kabi yulduzli chiqishlar namoyish etiladi.
Ma’lum bo‘lishicha, uy-joy, umumiy va mahalliy boshqaruv vazirligi tomonidan Buyuk Britaniyada 2020-yilning yanvar oyidan mart oyigacha 36 690 ta xo‘jalik uysiz deb topilgan. So‘nggi 56 kun ichidan yana 38 450 kishi uysiz qolish xavfi ostidaligi ma’lum qilingan.
Mavzuga doir:
- Nyu-Yorkka keltirilgan asosiy Rojdestvo archasi o‘zi bilan birga kutilmagan sovg‘a olib keldi
- Koronavirus hamma narsani o‘zgartirmoqda, hattoki Santa Klaus bilan uchrashuvni ham
- Belgiya vaziri Santa Klausga 2020-yil og‘ir o‘tganligi haqida xat yozdi va bolalarga sovg‘a ulashish uchun karantinni yumshatishga ruxsat berdi
Izoh (0)