Лондонда яшовчи уйсиз инсонлар Рождество совғаси сифатида икки ҳафталик меҳмонхона, кунига уч маҳал овқат ва таниқли шахсларнинг виртуал чиқишларига таклиф этилади. Бу ҳақда The Sunday Times хабар беради.
Бу йил хайрия ташкилотлари коронавирус тарқалиши хавфи туфайли уйсизларни ётоқхоналарга жойлаштира олмайди. Шунинг учун London Hotel Group тўртта меҳмонхона хоналарини арзон нархларда тақдим этишга рози бўлди.
Хайр-эҳсон қилувчилар эса 50 йиллик анъанани бузган ҳолда яшашга жойи бўлмаган одамлар учун 517 та хонани ижарага олди. Ташкилот раҳбари Иэн Ричардснинг сўзларига кўра, ходимлар илгари тақдим этилган шароитлардан ёмонроғига рози бўлмаган.
Меҳмонхонада эса улар кунига уч маҳал овқат билан таъминланиб, ўз хоналарига етказиб берилади. Бундан ташқари, улар тиббий хизматдан фойдаланиш имкониятига ҳам эга бўлади. Рождество оқшомида эса экранларда Элли Голдинг, Имелда Стонтон ва Жонатан Прайс каби юлдузли чиқишлар намойиш этилади.
Маълум бўлишича, уй-жой, умумий ва маҳаллий бошқарув вазирлиги томонидан Буюк Британияда 2020 йилнинг январь ойидан март ойигача 36 690 та хўжалик уйсиз деб топилган. Сўнгги 56 кун ичидан яна 38 450 киши уйсиз қолиш хавфи остидалиги маълум қилинган.
Мавзуга доир:
- Нью-Йоркка келтирилган асосий Рождество арчаси ўзи билан бирга кутилмаган совға олиб келди
- Коронавирус ҳамма нарсани ўзгартирмоқда, ҳаттоки Санта Клаус билан учрашувни ҳам
- Бельгия вазири Санта Клаусга 2020 йил оғир ўтганлиги ҳақида хат ёзди ва болаларга совға улашиш учун карантинни юмшатишга рухсат берди
Изоҳ (0)