Pokistondagi hayvonot bog‘ida saqlangan Kaavan laqabli “dunyodagi eng yolg‘iz fil” 29-noyabr kuni Kambodjaga yuborildi, deb yozadi Meduza.
Kaavan 35 yil Islomoboddagi hayvonot bog‘ida juda og‘ir sharoitda yashagan. 2012-yilda uning jufti Saxeli vafot etgach unda ruhiy buzilish hamda ortiqcha vazn to‘planishi kuzatilgan.
2016-yilda Kaavanni qutqarish bo‘yicha kampaniya paydo bo‘lgan, uning tashabbuskorlari orasida amerikalik taniqli qo‘shiqchi Sher ham bor.
2020-yilning mayida hayvon himoyachilari Pokiston Oliy sudining Islomoboddagi hayvonot bog‘ini yopish va Kaavanni ozod qilish to‘g‘risidagi qarorini chiqarishga muvaffaq bo‘lgan. Shundan keyin faollar filni Kambodjadagi qo‘riqxonaga eltish bo‘yicha tayyorgarlik ko‘rgan.
27-noyabr kuni Pokistonga Sherning shaxsan o‘zi tashrif buyurgan. U mamlakat bosh vaziri bilan uchrashib, ko‘rsatilgan yordam uchun minnatdorchilik bildirgan.
Qo‘shiqchining ma’lum qilishicha, 2021-yilda “dunyodagi eng yolg‘iz fil”ning tarixi haqida so‘zlovchi hujjatli film taqdim etiladi.
Izoh (0)