Fransiya parlamentining quyi palatasi insonni talaffuzi sabab kamsitilishini “irqchilikning shakli” sifatida baholab, bu kabi diskriminatsiyani taqiqlab qo‘ydi, deb xabar beradi “Korrespondent.net”.
Qonun loyihasi uchun 98 deputat ovoz bergan. Talaffuz bo‘yicha diskriminatsiya — irqchilik, seksizm va insonlarning nogironligi bo‘yicha kamsitilishga oid ro‘yxatga qo‘shilgan bo‘lib, u sud javobgarligiga tortilishi mumkin.
Qonunchilikdagi yangi taklif bo‘yicha maksimal jazo — uch yilgacha ozodlikdan mahrum etish va 45 ming yevro jarima.
Ta’kidlanishicha, o‘n-markaz deputati Kristofer Eyze tomonidan taklif etilgan qonun ko‘pchilik ovozini olgan bo‘lishiga qaramay, qizg‘in bahslarga sabab bo‘lgan. Xususan, Fransiya Polineziyasi deputati Mayna Seyj bu kabi insonlar qiyinchiliklarga uchrashi mumkinligi haqida so‘zlab bergan.
O‘z navbatida Shimoliy Afrikadan bo‘lgan insonning qizi, Patrisiya Miralles yoshligida aljirliklarga xos talaffuzi sabab “tahqirlarga” uchraganini aytgan. Shu bilan birga, asli korsikalik bo‘lgan “Ozodlik va hudud” muxolifat pariyasi vakili Jan Lassan ushbu hujjatga qarshi ovoz bergan.
“Men xayriya, himoya qilishlarini so‘ramayman, chunki men qanday bo‘lsam, shundayman”, — deydi buzilgan fransuzcha talaffuz bilan Lassan.
Adliya vaziri Erik Dyupon-Moretti esa yangi qonun zarurligiga “juda ham ishonishini” ma’lum qilgandi.
Eslatib o‘tamiz, 2018-yilning oktabrida “Zabt etilmagan Fransiya” muxolifatchi partiyasi yetakchisi Jan-Lyuk Melanshon unga parlament to‘g‘risida savol bergan janubliklarga xos talaffuzga ega junralistga qo‘pol muomala qilgan edi. “Birortangizda fransuzchada ifodalangan savol bormi? Sal bo‘lsa-da tushunarliroq”, — degan Melanshon.
Izoh (0)