Францияда инсонни талаффузи сабаб камситганлар жиноий жавобгарликка тортилади

Франция парламентининг қуйи палатаси инсонни талаффузи сабаб камситилишини «ирқчиликнинг шакли» сифатида баҳолаб, бу каби дискриминацияни тақиқлаб қўйди, деб хабар беради «Korrespondent.net».

Қонун лойиҳаси учун 98 депутат овоз берган. Талаффуз бўйича дискриминация — ирқчилик, сексизм ва инсонларнинг ногиронлиги бўйича камситилишга оид рўйхатга қўшилган бўлиб, у суд жавобгарлигига тортилиши мумкин.

Қонунчиликдаги янги таклиф бўйича максимал жазо — уч йилгача озодликдан маҳрум этиш ва 45 минг евро жарима.

Таъкидланишича, ўн-марказ депутати Кристофер Эйзе томонидан таклиф этилган қонун кўпчилик овозини олган бўлишига қарамай, қизғин баҳсларга сабаб бўлган. Хусусан, Франция Полинезияси депутати Майна Сейж бу каби инсонлар қийинчиликларга учраши мумкинлиги ҳақида сўзлаб берган.

Ўз навбатида Шимолий Африкадан бўлган инсоннинг қизи, Патрисия Мираллес ёшлигида алжирликларга хос талаффузи сабаб «таҳқирларга» учраганини айтган. Шу билан бирга, асли корсикалик бўлган «Озодлик ва ҳудуд» мухолифат парияси вакили Жан Лассан ушбу ҳужжатга қарши овоз берган.

«Мен хайрия, ҳимоя қилишларини сўрамайман, чунки мен қандай бўлсам, шундайман», — дейди бузилган французча талаффуз билан Лассан.

Адлия вазири Эрик Дюпон-Моретти эса янги қонун зарурлигига «жуда ҳам ишонишини» маълум қилганди.

Эслатиб ўтамиз, 2018 йилнинг октябрида «Забт этилмаган Франция» мухолифатчи партияси етакчиси Жан-Люк Меланшон унга парламент тўғрисида савол берган жанубликларга хос талаффузга эга жунралистга қўпол муомала қилган эди. «Бирортангизда французчада ифодаланган савол борми? Сал бўлса-да тушунарлироқ», — деган Меланшон.