Shimoliy Koreyada kamida ikki nafar amaldor COVID-19 koronavirus pandemiyasi sabab yuzaga kelgan iqtisodiy tanglik tufayli qatl qilindi. Bu haqda Associated Press agentligi Janubiy Koreya Milliy razvedka agentligining hisobotiga asoslanib xabar bergan.
Xabarlarga ko‘ra amaldorlardan birini mamlakat hududiga taqiqlangan mahsulotlarning pandemiya sabab xorijdan olib kelingani uchun o‘ldirilgan. Boshqa bir yuqori martabali amaldor esa valyuta ayirboshlashdagi qallobliklar tufayli qatl etilgan.
Janubiy Koreya razvedka idorasi bergan ma’lumot bo‘yicha KXDR rahbari Kim Chen In iqtisodiy qiyinchiliklar vaqtida shafqatsiz qarorlar qabul qilgan, xususan, xomashyo narxini oshirgan va ishlab chiqarish mahsulotlari hajmini kamaytirgan.
Bundan tashqari baliq ovlash, dengiz tuzida koronavirus yuqtirish xavfi borligi uchun tuz ishlab chiqarish taqiqlangan.
Pxenyanda va Chagando provinsiyasida o‘zni yakkalash tartibi joriy qilingan. Shuningdek, Pxenyan koronavirusga qarshi chora-tadbirlar doirasida Koreya mehnat partiyasining 2021-yil boshida o‘tishi rejalashtirilgan navbatdagi qurultoyini kechiktirishi mumkin.
Izoh (0)