Vazirlar Mahkamasi qarori bilan Toshkent to‘qimachilik va yengil sanoat instituti rektori tayinlandi. Bu haqda Oliy va o‘rta maxsus ta’lim vazirligi xabar bermoqda.
Hukumatning 2020-yil 24-noyabrdagi tegishli qaroriga muvofiq Ilhom Sobirov Toshkent to‘qimachilik va yengil sanoat instituti rektori lavozimiga tayinlandi.
Ilhom Sobirov 1974-yilda tug‘ilgan, ma’lumoti oliy, 1996-yilda Toshkent to‘qimachilik va yengil sanoat institutini tamomlagan. Texnika fanlari doktori, professor. U 2020-yildan ushbu institutda faoliyat ko‘rsatib keladi.
Toshkent to‘qimachilik va yengil sanoat institutiga 2018-yildan rektorlik qilib kelgan Bahodirjon Onorboyev hukumatning 2020-yil 10-iyuldagi qarori bilan Vazirlar Mahkamasining Ta’lim, sog‘liqni saqlash, madaniyat, yoshlar, ma’naviyat va jamoat tashkilotlari, mahalla va oilani qo‘llab-quvvatlash masalalari kotibiyatining mudiri etib tayinlangan.
Ilhom Sobirov rektor etib tayinlangunga qadar ushbu vazifani Xolida Kamilova bajarib kelgan.
Avvalroq Alisher Shodmonov Toshkent tibbiyot akademiyasi rektori etib, Sarvar Boboxo‘jayev TATU rektori etib, Komiljon Karimov Jahon iqtisodiyoti va diplomatiya universitetining rektori etib tayinlangani xabar berilgan edi.
Izoh (0)