Qashqadaryo viloyatining Qarshi shahrida xalq ta’limi vaziri Sherzod Shermatov rahbarligida yig‘ilish bo‘lib o‘tdi. Yig‘ilishda viloyat xalq ta’limi boshqarmasining yangi rahbari To‘lqin Karimov jamoatchilikka tanishtirildi, deya xabar berdi “Daryo” muxbiri.
Ma’lum bo‘lishicha, boshqarmaning yangi boshlig‘i To‘lqin Karimov ayni kunga qadar Shahrisabz shahrini boshqarib kelayotgandi.U 1973-yil Shahrisabz shahrida tug‘ilgan bo‘lib, Toshkent moliya institutida tahsil olgan. 2018-yil Shahrisabz shahri tashkil etilgach, shaharga hokim etib tayinlangan edi.
Eslatib o‘tamiz, boshqarmaning sobiq boshlig‘i Farhod Ochilov lavozimiga tayinlanganiga endi bir oy bo‘lgandi. Undan oldingi rahbari Abdug‘ani Himmatov esa Dehqonobod tuman xalq ta’limi bo‘limiga rahbarlik qilgan vaqtida kamomad qilishda ayblanib, tergovga chaqirilgan. Ayni kunda sobiq boshliq ishini sud ko‘rib chiqmoqda.
Izoh (0)