Futbol bo‘yicha Coca-Cola Superliga 24-turining so‘nggi o‘yinida “Bunyodkor” 25-noyabr, chorshanba kuni “So‘g‘diyona”ga qarshi bahs olib bordi.
Uchrashuvning 63-daqiqasida Xurshid G‘iyosov “qaldirg‘ochlar”ni oldinga olib chiqdi. Mazkur gol amalda o‘yin taqdirini hal qilib berdi. Qayd etish joiz, 59-daqiqadan boshlab mehmonlar San’at Shixovning chetlatilishidan keyin bir o‘yinchi kam bo‘lib harakat qildi.
Mazkur g‘alabadan keyin Vadim Abramov jamoasi ochkolarini 42 taga yetkazib oldi va to‘rtinchi o‘rinda ketmoqda. “So‘g‘diyona” (34) esa 6-pog‘onada joy olgan.
“Bunyodkor” keyingi turda “Nasaf”ga qarshi bahs olib borsa, “So‘g‘diyona” jamoasi “Qizilqum” bilan kuch sinashadi.
24-turdan keyin musobaqa jadvali quyidagi ko‘rinishni oldi:
Coca-Cola Superliga
24-tur bahslari
25-noyabr, chorshanba
“Bunyodkor” — “So‘g‘diyona” 1:0
Gollar: 1:0 – 63 G‘iyosov.“Bunyodkor”: Abdumavlon Abduljalilov, Islomjon Qobilov, Ibrohimhalil Yo‘ldoshev, Xurshid G‘iyosov (Selim Nurmuoadov, 83), Rasul Yo‘ldoshev (Dilshodbek Ahmadaliyev, 71), Lutfulla To‘rayev (Davron Ergashev, 90), Mirjahon Mirahmadov (Shahboz Erkinov, 71), Sanjar Qodirqulov, Nurillo To‘xtasinov (Farruh Ikromov, 90), Ulug‘bek Abdullayev, Abdulla Abdullayev.
“So‘g‘diyona”: Shirinboy Abdullayev, Sardor Qulmatov, Iskandar Shoyqulov, Ayubxon No‘‘monov (Sahob Rashidov, 79), Jamshid Boltaboyev (Sanjar Rashidov, 38), Shohruz Norxonov, Jasur Hasanov (Elyor Oripov, 62), San’at Shixov, Javohir Qahramonov (Bahodir Nasimov, 79), Shahboz Jo‘rabekov, Marko Kolakovich.
Ogohlantirish: Abdullayev (9), Shixov (15), Kolakovich (65), Jo‘rabekov (69), Norxonov (90).
Chetlatish: Shixov (59).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)