AQSh Fuqarolik aviatsiyasi federal boshqarmasi Boeing 737 MAX havo kemalarining parvoziga qo‘yilgan taqiqni 1,5 yildan so‘ng olib tashladi. Mazkur havo kemalari ishtirokida sodir bo‘lgan ikkita aviahalokat oqibatida 346 kishi halok bo‘lgan.
Regulyatorning xabarida ta’kidlanishicha, samolyotlar boshqarma 737 MAX uchuvchilarini tayyorlashning yangi dasturini tasdiqlaganidan, aviakompaniya esa texnik xizmat ko‘rsatish bo‘yicha qo‘shimcha choralarni ko‘rsatganidan so‘ng parvozlarni boshlashi mumkin.
Taqiq olib tashlangani e’lon qilinganidan so‘ng Boeing aksiyalari 6 foizga ko‘tarilgan.
Eslatib o‘tamiz, 2019-yilning 10-mart kuni Ethiopian Airlines aviakompaniyasining Keniyaga uchayotgan Boeing 737-800 MAX samolyoti halokatga uchrashi oqibatida bortda bo‘lgan 149 nafar yo‘lovchi, shuningdek, sakkiz nafar ekipaj a’zosi halok bo‘lgan. 2018-yilning 29-noyabr kuni Lion Air aviakompaniyasining Boeing 737 yo‘lovchi samolyoti Jakarta aeroportidan havoga ko‘tarilganidan ko‘p o‘tmay halokatga uchrab, dengizga qulagan. Samolyot bortida 189 kishi bo‘lgan. Shulardan 181 nafari yo‘lovchi, 2 nafar uchuvchi hamda 6 nafar ekipaj a’zosi. Ularning barchasi halok bo‘lgan.
Izoh (0)