AQSh prezidenti Donald Tramp Kiberxavfsizlik va infratuzilma xavfsizligi agentligi rahbari Kris Krebsni ishdan oldi. Bu haqda Tramp o‘zining Twitter’ida ma’lum qilgan, deb xabar bermoqda Meduza.
The New York Times’ning aniqlik kiritishicha, aynan Krebs Amerika saylovlari xavfsizligi uchun mas’ul bo‘lgan. U Trampning 2020-yil 3-noyabrdagi prezidentlik saylovlarida qonunbuzarliklar bo‘lganligi haqidagi da’volariga bir necha bor qarshi chiqqan.
“Kris Krebsning 2020-yilgi saylovlar xavfsizligi to‘g‘risida so‘nggi bayonoti o‘ta noaniq edi, chunki (aslida) juda ko‘p qonunbuzarlik va soxtalashishlar bo‘lgan, kuzatuvchilarga saylov uchastkalariga kirishga ruxsat berilmagan, ovoz berish mashinalaridagi nosozliklar Trampning ovozlarini Baydenga berilgan ovozlarga o‘zgartirgan”, — deya uning ishdan olinishiga izoh bergan Tramp.
Krebs, Tramp uning ishdan olinganini ma’lum qilgandan so‘ng, o‘zining Twitter’ida agentlikda xizmat qilish uning uchun sharafli bo‘lganini ta’kidlab, “Biz hammasini to‘g‘ri qildik”, deb yozgan.
NYT ma’lumotlariga ko‘ra, Krebs hamkasblariga noyabr oyida bo‘lib o‘tgan saylovlardan so‘ng, Tramp pochta orqali ovoz berishda qalbakilashtirishlar haqida e’lon qilgan paytda, 2020-yil iyunida uni ishdan bo‘shatilish kutayotganini aytgan.
Kris Kiberxavfsizlik va infratuzilma xavfsizligi tashkil etilgan 2018-yildan buyon unga rahbarlik qilib kelgan. NYT uni eng tez rivojlanayotgan federal agentliklardan biri deb ataydi. Agentlik elektr stansiyalari va suv ta’minoti tizimlari xavfsizligi bilan ham shug‘ullanadi.
AQShda prezidentlik saylovi 2020-yilning 3-noyabr kuni bo‘lib o‘tdi, ovozlar bir necha kun davomida hisoblab chiqildi, 7-noyabr kuni AQShning yirik OAVlari saylovda Bayden g‘alaba qozonganini ma’lum qildi. Donald Tramp esa mag‘lubiyatni tan olmadi. U saylovlar qonunbuzarliklar bilan o‘tgan degan fikrda, shuningdek, saylovlarda mamlakat Konstitutsiyasi buzilganini aytgan.
Federal prokuratura AQSh prezidentlik saylovlarida mavjud qoidabuzarliklarga oid hech qanday dalil topmaganligini aytib, saylovlardagi qonunbuzarlikni tekshirishdan bosh tortgan.
Izoh (0)