Qashqadaryo viloyati hokimi Zoir Mirzayev Shavkat Mirziyoyevning 12–13-noyabr kunlari viloyatga tashrifi davomida berilgan topshiriqlar ijrosini o‘z vaqtida ta’minlash va hududni kompleks rivojlantirish masalalariga bag‘ishlangan yig‘ilish o‘tkazdi. Bu haqda “Yangi O‘zbekiston” internet nashri xabar qilgan.
“Prezidentimiz ‘Bu yerga kelishimdan asosiy maqsad – sizlar bilan birga hudud rivojiga kuchli turtki berish bo‘yicha aniq vazifa va chora-tadbirlarni belgilab olish. Qashqadaryo o‘zining salohiyatiga mos yashamayapti, mamlakatimizning ko‘pgina hududlaridan ancha orqada’, deya ta’kidlaganlari bejiz emas. Maktablar yanada zamonaviylashadi va 2021-yilda birorta paxsa devorli ta’lim muassasalari qolmaydi. Kerak bo‘lsa, filial maktablar ham alohida ajralib chiqadi”, — degan yig‘ilishga rahbarlik qilgan viloyat hokimi Zoyir Mirzayev.
Yig‘ilish yakunida har bir sohani nazorat qilish bo‘yicha ishchi guruhlar tuzilib, ular orqali mablag‘larni maqsadli va eng qoloq nuqtalarga yo‘naltirishga kelishib olindi, deyiladi xabarda.
Mavzuga doir:
- Zoir Mirzayev: “Olib borilayotgan ishlarimizning tagida ilmiy yondashuv va olimlar bilan hamkorlik yo‘q”
- Zoir Mirzayev: “Go‘shtni Qashqadaryodan Toshkentga qonuniy yo‘l bilan yetkazib berishda kamchilik bor”
- “Ro‘ziyev sharmanda qilgan ekan, endi bilinyapti”. Shavkat Mirziyoyev Qashqadaryoning sobiq hokimi haqida gapirdi
Eslatib o‘tamiz, avvalroq viloyatning Chiroqchi tumanidagi 61-maktabning qo‘rqinchli sinfxonalari ijtimoiy tarmoqlarda ko‘plab muhokamalarga sabab bo‘lgandi. Voqealar ortidan tushgan OAV vakillari mazkur sinfxonalarda ikki yil davomida o‘quvchilarga ta’lim berilganini fosh qilgan. Voqealar xabar topgan viloyat hokimi Zoir Mirzayev esa, sinfxonalarga o‘tin kiritib, jamoatchilikni aldagan maktab direktorini vazifasiga noloyiq deb atagan.
Izoh (0)