Қашқадарё вилояти ҳокими Зоир Мирзаев Шавкат Мирзиёевнинг 12–13 ноябрь кунлари вилоятга ташрифи давомида берилган топшириқлар ижросини ўз вақтида таъминлаш ва ҳудудни комплекс ривожлантириш масалаларига бағишланган йиғилиш ўтказди. Бу ҳақда «Янги Ўзбекистон» интернет нашри хабар қилган.
«Президентимиз ‘Бу ерга келишимдан асосий мақсад – сизлар билан бирга ҳудуд ривожига кучли туртки бериш бўйича аниқ вазифа ва чора-тадбирларни белгилаб олиш. Қашқадарё ўзининг салоҳиятига мос яшамаяпти, мамлакатимизнинг кўпгина ҳудудларидан анча орқада’, дея таъкидлаганлари бежиз эмас. Мактаблар янада замонавийлашади ва 2021 йилда бирорта пахса деворли таълим муассасалари қолмайди. Керак бўлса, филиал мактаблар ҳам алоҳида ажралиб чиқади», — деган йиғилишга раҳбарлик қилган вилоят ҳокими Зойир Мирзаев.
Йиғилиш якунида ҳар бир соҳани назорат қилиш бўйича ишчи гуруҳлар тузилиб, улар орқали маблағларни мақсадли ва энг қолоқ нуқталарга йўналтиришга келишиб олинди, дейилади хабарда.
Мавзуга доир:
Эслатиб ўтамиз, аввалроқ вилоятнинг Чироқчи туманидаги 61-мактабнинг қўрқинчли синфхоналари ижтимоий тармоқларда кўплаб муҳокамаларга сабаб бўлганди. Воқеалар ортидан тушган ОАВ вакиллари мазкур синфхоналарда икки йил давомида ўқувчиларга таълим берилганини фош қилган. Воқеалар хабар топган вилоят ҳокими Зоир Мирзаев эса, синфхоналарга ўтин киритиб, жамоатчиликни алдаган мактаб директорини вазифасига нолойиқ деб атаган.
Изоҳ (0)