Navoiy viloyati Uchquduq tumani Ekologiya inspeksiyasi davlat inspektorlari tomonidan o‘tkazilgan tungi reyd tadbirida Uchquduq tuman “Altintau” OFY Turbay hududidan Uchquduq tuman fuqarosi J.Rю o‘z boshqaruvidagi mototsikl yordamida “Qizil kitob”ga kiritilgan kiyikni ovlab, o‘ljani olib kelayotgan vaqtida to‘xtatilgan. Bu haqda Navoiy viloyati Ekologiya boshqarmasi axborot xizmatiga asoslanib, O‘zA xabar qildi.
Ushbu holat yuzasidan fuqaroga nisbatan 33 million 450 ming so‘m tabiatga yetkazilgan zarar hisoblanib, Ma’muriy javobgarlik to‘g‘risidagi kodeksning 94-moddaning 1-qismi (noyob yoki yo‘q bo‘lib ketish xavfida turgan hayvonlarni yo‘q qilib yuborish, o‘lja qilish yoxud shunday hayvonlarning qirilib ketishiga, sog‘i kamayib ketishiga yoki yashash muhiti buzilishiga sabab bo‘lishi mumkin bo‘lgan boshqa harakatlar sodir etish) bilan ma’muriy hujjatlar rasmiylashtirildi va tuman ma’muriy sudiga o‘tkazish uchun tayyorlanmoqda.
Avval noqonuniy ov qilgani uchun ushlangan Tuproqqal’a tumani hokimi o‘rinbosari o‘z arizasiga ko‘ra ishdan bo‘shatilgani, Buxoro viloyati Jondor tumanidagi “Qumsulton” tabiiy suv havzasida noqonuniy tarzda o‘rdak ovlagan shaxslar jarimaga tortilgani, Buxoro tumanidagi “Jayron pitomnigi” hududida qo‘lbola yoritish chirog‘i yordamida yashirin ravishda ov qilgan 26 yoshli fuqaro R.B. hamda 65 yoshli J.S. qo‘lga olingani haqida xabarlar berilgan.
Izoh (0)