14-noyabr kuni Buxoro—Toshkent yo‘nalishida harakatlanayotgan “Afrosiyob” poyezdi nosozlikka uchradi. Bu haqda “O‘zbekiston temir yo‘llari” matbuot xizmati xabar berdi.
Qayd etilishicha, Buxoro – Toshkent yo‘nalishida harakatlanayotgan 765-sonli “Afrosiyob” elektropoyezdi texnik nosozlik sabab soat 08:11 da “Baxt” stansiyasida to‘xtagan. Nosozlikni bartaraf qilish choralari ko‘rilgandan so‘ng, shu kuni soat 09:50 da o‘z yo‘nalishi bo‘ylab harakatni davom ettirgan.
“O‘zbekiston temir yo‘llar” AJ rahbariyati yuzaga kelgan noqulaylik uchun yo‘lovchilardan uzr so‘ragan.
Avvalroq “O‘zbekiston temir yo‘llari” AJ tomonidan yo‘lovchilarning zamonaviy poyezdlarga bo‘lgan talabini to‘la qondirish maqsadida Toshkent–Samarqand–Toshkent yo‘nalishida harakatini amalga oshirayotgan “Afrosiyob” elektropoyezdining reysi yana bittaga ko‘paytirilayotgani to‘g‘risida xabar berilgandi.
Eslatib o‘tamiz, 2019-yilning 14-noyabrida ham Buxorodan Toshkentga kelayotgan poyezd elektr ta’minotidagi uzilish sabab Jomboyda to‘xtab qolgandi.
Izoh (0)