Toshkent metropoliteni poytaxt bo‘ylab qatnayotgan yangi metro vagoni tomidan suv o‘tgani tasvirlangan videoga izoh berdi.
Ma’lum qilinishicha, holat vagon ichidagi iqlim tizimining drenaj teshigi tiqilib qolganligidan hosil bo‘lgan.
“Videolarda namoyish etilganidek, vagon saloniga tomdan sizib kirgan suv tomchilari bu yomg‘ir suvi emas, balki konditsioner tizimining kondensatidir”, — deyiladi ma’lumotda.
Ta’kidlanishicha, ayni paytda ushbu muammo bartaraf etilgan. Kelib chiqqan noqulayliklar uchun uzr so‘ralgan.
Eslatib o‘tamiz, Toshkent metrosining Yunusobod yo‘nalishidagi yangi qurib bitkazilgan bekatlar hamda yerusti halqa metrosining birinchi bosqichi sentabr oyining boshida ishga tushgandi.
Izoh (0)