Rossiyaning Kemerovo viloyatidagi shifokorlardan biri COVID-19’ga qarshi birinchi emlashdan so‘ng koronavirusga chalindi. Meduza’ning xabar berishicha, bu haqda Kemerovo sog‘liqni saqlash vazirining o‘rinbosari Yelena Zelenina ma’lum qildi.
“Kasallik emlashdan keyingi 5—6-kuni qayd etilgan, shuning uchun inkubatsiya davrini hisobga olgan holda, bu bevosita vaksinatsiya bilan bog‘liq deb aytib bo‘lmaydi. Immunitet birinchi dozani so‘ng ishlab chiqariladi boshlaydi, ammo immunitetning to‘liq shakllanishi ikkinchi dozadan keyin davom etadi”, — deya uning so‘zlarini keltirgan “TASS”.
Shunga o‘xshash holat Oltoy o‘lkasida ham qayd etilgandi. “Sputnik V” vaksinasi bilan COVID-19 koronavirus infeksiyasiga qarshi emlangan uch nafar tibbiy xodimning koronavirusga topshirgan testi ijobiy natija bergan.
Rossiya Sog‘liqni saqlash vazirligi vaksinani qabul qilgan tibbiyot xodimlari koronavirusga nisbatan immunitet hosil bo‘lishga ulgurmasidan oldinroq COVID-19’ga chalinganini ma’lum qilgan.
Vaksina olganidan keyin COVID-19’ni yuqtirib olish holatlari avval ham qayd etilgandi. Xususan, Rossiya Davlat dumasida “Adolatli Rossiya” fraksiyasi rahbari o‘rinbosari Valeriy Gartung bilan shunday holat yuz bergan.
“Sputnik V” vaksinasi sinovlarida qatnashgan Gartung sinovlar ishtirokchilar uchun yashirin tarzda olib borilayotganini aytgandi. “Biz, tajriba ishtirokchilari yo platsebo, yo vaksina olishimiz haqida ogohlantirilamiz, bunda imkoniyatlar 25 ga 75 foiz. Ya’ni 10 ming kishiga platsebo, 30 ming kishiga vaksina beriladi. Men 25 foiz ichiga tushdim. Chunki menda birinchi martadan keyin ham, ikkinchi martadan keyin ham hech qanday simptomlar bo‘lmadi. Endi esa menda test ijobiy chiqdi, demak, aslida menga platsebo tushgan”, — degan edi deputat kasallanganidan keyin.
Gamaleya nomidagi Epidemiologiya va mikrobiologiya milliy tadqiqot markazi mutaxassislari tomonidan ishlab chiqilgan Rossiyaning “Sputnik V” vaksinasi dunyoda birinchi bo‘lib ro‘yxatdan o‘tkazilgan COVID-19’ga qarshi vaksina hisoblanadi. Rossiya Sog‘liqni saqlash vazirligining terapiya va umumiy tibbiy amaliyot bo‘yicha bosh mutaxassisi Oksana Drapkina ushbu preparat samaradorligi 90 foizdan yuqori deb aytgandi.
Izoh (0)