Aleksandr Sergeyevich Pushkin nomidagi Rossiya davlat rus tili instituti “samoizolyatsiya”, ya’ni o‘zini izolyatsiya qilish va “obnuleniye” (nollash)ni 2020-yil so‘zi deb atadi, deb xabar bermoqda Meduza.
“Yil so‘zi” loyihasining ilmiy rahbari Mixail Osadchiyning “TASS”ga ma’lum qilishicha, ekspertlar tadqiqot doirasida dastlab yilning eng muhim va muhokama qilingan ikkita mavzusi — pandemiya va Rossiya konstitutsiyasiga o‘zgartish kiritishni ko‘rsatgan. Keyinchalik OAV matnlarini tahlil qilish jarayonida so‘nggi uch yil ichida foydalanilishi sezilardi darajada oshgan kalit so‘zlar aniqlangan.
Xususan, Osadchiyning aytishicha, “samoizolyatsiya” so‘zini ishlatish 10 barobardan oshgani ma’lum bo‘ldi. “Obnuleniye” so‘zi ham shunday natija qayd etilgan.
Shuningdek, “golosovaniye” (ovoz berish), “distansirovaniye” (masofalanish), “karantin”, “kovid”, “konstitutsiya”, “koronavirus”, “popravki” (tuzatishlar) va “udalyonka” (masofaviy) so‘zlari ham eng ko‘p qo‘llanilgan so‘zlar qatoridan o‘rin olgan.
Avvalroq Buyuk Britaniyaning Collins lug‘ati “lokdaun”ni yil so‘zi deb topgani xabar berilgan edi.
Izoh (0)