Saudiya Arabistonida joylashgan podshoh Abdulla nomidagi Ilm-fan va texnologiyalar universiteti mutaxassislari koronavirusning eng aniq 3D modelini yaratdi. Bu haqda muassasa saytida xabar berilgan.
Ta’kidlanishicha, yangi ishlanmada SARS-CoV-2 virusi strukturasi atomlar darajasida ko‘rsatilgan va oldinlari ilg‘ash mumkin bo‘lmagan detallar ko‘zga tashlanadi. Uni yaratishda mikroskopda olingan suratlar va oqsillarning ma’lumotlar bazasidan foydalanilgan.
“Modelimiz virusning to‘liq ultratuzilmasini lipid membranasining to‘g‘ri kelgan joyiga oqsil-tayoqchalar tiqilgan holatda emas, balki bugungi kunda qanday ko‘rsak, shunday namoyish etadi”, — deydi tadqiqot mualliflaridan biri Ngan Nguen.
Olimlar o‘zlarining modeli COVID-19’ni yaxshiroq o‘rganish va unga qarshi vaksina yaratishga yordam berishiga umid qilmoqda.
Eslatib o‘tamiz, may oyida Rossiyaning ilmiy vizualizatsiya bilan shug‘ullanuvchi Visual Science studiyasi SARS-CoV-2 koronavirusining eng batafsil 3D modelini yaratgandi.
Izoh (0)