“Tottenhem” hujumchisi Harri Keyn Premyer Liga 8-turi doirasida “Vest Bromvich”ga qarshi kechgan o‘yinda (1:0) gol muallifiga aylandi.
Bu Keynning APLdagi 150-goli bo‘ldi. Ushbu ko‘rsatkichni qayd etish uchun Harriga 218 ta o‘yin kerak bo‘ldi. Faqat Alan Shirer (212) va Serxio Aguero (217) undan tezroq bu natijaga erishgan, deya xabar qilmoqda Gracenote Live.
Keyn Premyer Ligada 150 ta gollik dovondan o‘tgan o‘ninchi futbolchi bo‘ldi va liga tarixidagi to‘purarlar ro‘yxatida Maykl Ouenga yetib oldi.
Keyn Angliya chempionati 2020/21-yilgi mavsumida 8 o‘yin o‘tkazib, 7 gol va 8 ta golli uzatma muallifiga aylandi.
Angliya chempionati tarixidagi eng yaxshi to‘purarlar:
260 — Alan Shirer208 — Ueyn Runi187 — Endi Koul177 — Serxio Aguero177 — Frenk Lempard175 — Tyerri Anri163 — Robbi Fauler162 — Jermeyn Defo150 — Harri Keyn150 — Maykl Ouen
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)