Енгил вазн тоифасида ҳаракат қилувчи UFC жангчиси Ислом Махачев (18-1) 14 ноябрь куни Лас-Вегасда бўлиб ўтиши керак бўлган Рафаэл дос Аньосга (29-13) қарши жангда иштирок эта олмайдиган бўлди.
Фақат бир жиҳат тинчлантиради, тақдирга ёзилгандан қочиб қутила олмаймиз.Жанг UFC Fight Night 182 мусобақасининг асосий воқеаси бўлиши керак эди. Промоушен айни дамда Дос Аньосга рақиб изламоқда.Бу жанг учун катта куч ва вақт сарфланганди, жисмоний формамнинг энг юқори чўққисида эдим, бироқ вазн ташлашни бошлашим билан иммунитетим пасайишни бошлади, бунинг натижасида мени бир ойга сафдан чиқарган вирус юқтириб олдим.
Машғулот жараёнларида бизнинг жамоа бу вирус билан бир неча бор тўқнаш келди ва кўпчиликнинг жанги шу сабаб бекор бўлди.
Бу йил фаолиятим учун оғир кечди, жуда кўплаб жанглар бекор қилинди, бироқ сизларга ваъда бераман: мен бу камар учун нима бўлган тақдирда ҳам охиригача бораман.
Ислом Махачев, UFC жангчиси
Махачев ва Дос Аньос ўртасидаги жанг ҳам дастлаб UFC 254 мусобақасида бўлиб ўтиши белгиланганди. Бироқ бразилиялик яккакурашчида коронавирус аниқлангани боис мазкур жанг бекор бўлган.
Эслатиб ўтамиз, енгил вазн чемпиони Ҳабиб Нурмагомедовнинг амакиваччаси Умар Нурмагомедов вирус юқтириб олгани сабаб 24 октябрь кунида бўлиб ўтган UFC 254 мусобақасида иштирок эта олмаганди.
Изоҳ (0)