Tayvanlik yigit sevimli taomi — tovuq filesi haqida so‘z borganidan so‘ng ikki oylik komadan chiqdi, — deb xabar beradi Taiwan News.
Chiu ismli 18 yoshli yigit skuterda jiddiy yo‘l-transport hodisasiga uchragan. Aniqlik kiritilishicha, to‘qnashuv oqibatida uning bir necha tana a’zolariga jiddiy zarar yetgan, jumladan, taloq, o‘ng buyrak va jigariga. Favqulodda holatda shifoxonaga yetkazilgan yigitga shifokorlar uchinchi darajadagi koma tashxisini qo‘ygan.
Chiu jami bo‘lib oltita operatsiyani boshidan o‘tkazgan. Kasalxonadagi hamshiraning so‘zlariga ko‘ra, bemor oilasi bilan birga muntazam “o‘lim jangi bilan kurashgan”. Navbatdagi tashriflarning birida bemorning akasi hazillashib, eng sevimli taomini — tovuq filesini yemoqchi ekanligini aytgan. Ushbu so‘zlardan so‘ng Chiuning yurak urishi tezlashib, o‘ziga kela boshlagan. Uning hayot ko‘rsatkichlari kutilmaganda barqarorlashgan.
Ayni vaqtda tayvanlik yigitga shifoxonadan javob berilgan. Yaqinda u kasalxonaga kelib, tibbiyot xodimlariga minnatdorchilik sifatida tort bergan.
Avvalroq Buyuk Britaniya fuqarosi komadan chiqib, 20 yillik hayotini unutib qo‘ygani, u o‘z yaqinlarini o‘g‘rilar deb hisoblagani va shifokorlarni hozir 1998-yil ekanligiga ishontirishga uringani to‘g‘risida xabar berilgandi.
Izoh (0)