Fransiyaning Elzas shahrida 110 yil avval kabutar tomonidan yo‘qotilgan nemis armiyasi zobitining maktubi tasodifan topildi. Bu haqda mahalliy muzey xodimi Dominik Jardi ma’lum qildi, deb yozadi “Korrespondent.net”.
Nemis tilida yozilgan maktub alyumin qobiqda bo‘lib, u sayr qilib yurgan er-xotin tomonidan topildi. Ular maktub va qobiqni Orbe shahri Lenj dovonidagi muzeyga topshirdi.
“Bunday topilmalar juda kam uchraydi. Muzeydagi 40 yillik ish faoliyatim davomida men bunga o‘xshash narsalarni ko‘rmadim”, − deydi Dominik Jardi.
Uning so‘zlariga ko‘ra, qobiq, ehtimol, Ikkinchi jahon urushidan keyingi o‘qlar singari yuzaga qalqib chiqqan.
Maktubni o‘qish uchun Jardi nemis hamkasbiga yuzlandi. Ma’lum bo‘lishicha, xat 1910-yilda polkdagi piyoda zobit tomonidan yozilgan. Unda harbiy xizmatchining komandiriga murojaati bayon etilgan. Matnda o‘sha paytda Germaniya imperiyasining tarkibiga kiruvchi Elzas mintaqasidagi harakatlar haqida gap ketgan. Hammasi bo‘lib ushbu maktubning 4 nusxasi yuborilgan va ulardan birini kabutar yo‘qotgan.
Tashrif buyuruvchilar maktubni ko‘rishi mumkin, u muzeyda maxsus muhrlangan stendda namoyish etiladi.
Mavzuga doir:
- Britaniyalik oila yashovchi manzilga yuborilgan maktub oradan 100 yil o‘tib yetib keldi
- Tailanddagi ko‘ngilochar bog‘ sayyohlar chiqindisini ularning o‘zlariga pochta orqali yuborishni yo‘lga qo‘ydi
- Oshiq yigit bog‘da tanishgan qizi bilan bog‘lana olmay, u yashaydigan ko‘chadagi hamma uyga qo‘lda yozgan 100 ta xatini yopishtirib chiqdi
Izoh (0)