Boshqirdistondagi Isyangulova qishlog‘ida istiqomat qiluvchi ayol lotereyadan besh tonna asfalt yutib oldi, deb xabar beradi “Bashinform”.
Zianchurinsk tumanida mahalliy “Zianchurinsk yog‘dusi” gazetasi obunachilari o‘rtasida lotereya o‘tkazildi. Liliya Akchurina ikkinchi yarim yillikka obuna bo‘lib, asosiy mukofotni yutib oldi — besh tonna asfalt. Ta’kidlanishicha, g‘olib uzoq yillardan beri “Zianchurinsk tonglari, “ZOJ”, “1000 maslahat” va “Argumenti i fakti” gazetalariga obuna bo‘lib kelgan.
Aksiya tashkilotchilarining ma’lum qilishicha, ikkinchi yarim yillikda ikkita sovrin o‘ynalgan — buzoqcha va asfalt. “Nashr hurmatli homiylarimiz, gazeta tuman uchun shunchaki zarurligini o‘ylaydigan, o‘qiydigan va tushunadigan odamlardan minnatdor”, — deyiladi xabarda. Buzoqchani kim yutganiga oydinlik kiritilmagan.
Avvalroq AQShda lotereya g‘olibi 22 million dollarni do‘sti bilan bo‘lishgani, bunga 28 yil oldin berilgan va’da sabab bo‘lgani to‘g‘risida xabar berilgandi.
Izoh (0)