Reks laqabli mushukning odamlardek tik turib, yurishga harakat qilayotgani aks etgan video Instagram’da mingdan ortiq, Tik Tok’da esa deyarli uch milliondan ortiq layklar bosilishiga sababchi bo‘ldi. “Turister”ning yozilishicha, bir necha daqiqada Reksni kuzatuvchilar soni birdaniga oshib ketgan.
Kanadada yashaydigan Reksning egasi uni fermalarning biridan olib kelgan. Mushukning old panjalari va dumining bir qismi yo‘q bunga kichikligida qahraton sovuqda muzdek suv solingan tog‘oraga tushib ketgani sabab bo‘lgan.
Ayni vaqtda u orqa panjalarining o‘zida turishni va 2-3 qadam yurishni o‘rgangan. U mustaqil ravishda zinadan pastga tushishi, baland bo‘lmagan buyumlar ustiga sakrab chiqishi mumkin.
Bir qancha internet foydalanuvchilari mushuk egasidan uning yerga tushishi og‘riqli bo‘lmasligi uchun uy bo‘ylab gilam to‘shashni so‘ragan. Ammo bunga javoban Reksning egasi mushuk laminatda tezroq harakatlanishi, shuningdek, u boshqa mushuklar singari o‘z hududini belgilashni yaxshi ko‘rishini bildirgan.
Izoh (0)